കൊച്ചി : കോണ്ഗ്രസ് തകര്ന്നാല് ഇന്ത്യന് രാഷ്ട്രീയത്തില് ഉണ്ടാകുന്ന ശൂന്യത നികത്താന് ഇടത് പക്ഷത്തിനു കഴിയില്ല എന്ന് സിപിഐ നേതാവും രാജ്യസഭാ എംപിയുമായ ബിനോയ് വിശ്വം അഭിപ്രായപ്പെട്ടു. കോണ്ഗ്രസ് രാഷ്ട്രീയത്തിന്റെ കാതല് നെഹ്റുവിന്റെ രാഷ്ട്രീയം ആയിരുന്നു. ഇതില് കോണ്ഗ്രസ് പാര്ട്ടിക്ക് അപചയം ഉണ്ടായി. കോണ്ഗ്രസുമായി തനിക്ക് വിയോജിപ്പുണ്ട്.
എന്നാല് ഇന്നത്തെ ഇന്ത്യന് രാഷ്ട്രീയത്തില് കോണ്ഗ്രസ് തകര്ന്നാല് ഉണ്ടാകുന്ന ശൂന്യത ഉണ്ട്. കോണ്ഗ്രസ്സിന് മാത്രമേ ആ ശൂന്യത നികത്താന് കഴിയുകയുള്ളൂ എന്നും ബിനോയ് വിശ്വം പറഞ്ഞു. ഇടത് പക്ഷത്തിനു അതിനുള്ള കെല്പ് ഇല്ല. അതുകൊണ്ട് കോണ്ഗ്രസ് തകര്ന്നു പോകരുത് എന്നാണ് താന് ആഗ്രഹിക്കുന്നത് എന്നും അദ്ദേഹം പറഞ്ഞു. കൊച്ചിയില് പി ടി തോമസ് അനുസ്മരണത്തില് ആയിരുന്നു ബിനോയ് വിശ്വത്തിന്റെ പരാമര്ശം.
