പത്തനംതിട്ട : ശബരിമല സ്വർണ കൊള്ള നടത്തിയവരെ രക്ഷിക്കുവാനും യു ഡി എഫിനെ തകർക്കുവാനും സിപിഎം ബിജെപിയുമായി ധാരണ ഉണ്ടാക്കിയിരിക്കുകയാണെന്ന് കെ പി സി സി രാഷ്ട്രീയ കാര്യസമിതി അംഗം പന്തളം സുധാകരൻ പറഞ്ഞു. മോദി സർക്കാരിന്റെ വർഗീയ അജണ്ട നടപ്പാക്കാനുള്ള ഏജൻസി യായി പിണറായി സർക്കാർ മാറി എന്നും ഇതിനുള്ള കനത്ത പ്രഹരമായി പഞ്ചായത്ത് തെരെഞ്ഞെടുപ്പ് മാറുമെന്ന് തുമ്പമൺ തെരെഞ്ഞെടുപ്പ് കൺവെൻഷൻ ഉദ്ഘാടനം ചെയ്തുകൊണ്ട് സുധാകരൻ പറഞ്ഞു.
സിപിഎം ൽ നിന്ന് രാജി വെച്ച് കോൺഗ്രസിൽ ചേർന്ന 10 കുടുംബങ്ങൾക്ക് സുധാകരൻ കോൺഗ്രസ് അംഗത്വം നൽകി. സമ്മേളനത്തിൽ കേരള കോൺഗ്രസ് സംസ്ഥാന അംഗം വി.എസ് ഇടിക്കുള അദ്ധ്യക്ഷൻ വഹിച്ചു. യോഗത്തിൽ യു ഡി എഫ് ജില്ലാ പ്രസിഡന്റ് എ. ഷംസുദീൻ, ഡി.സി.സി ജനറൽ സെക്രട്ടറി അഡ്വ. ഡി. എൻ. ത്രീ ദീപ്, ബ്ലോക്ക് കോൺഗ്രസ് കമ്മിറ്റി പ്രസിഡന്റ് സഖറിയാ വർഗീസ്, കൺവീനർ രാജു സഖറിയാ, റോയി കുട്ടി ജോർജ്, ഉമ്മൻ ചക്കാലയിൽ, ബിജി ജോൺ, രാഘവൻ, അജി കൊച്ചുപാറ, സ്ഥാനാർഥികളായി ശ്രീനാ ദേവി കുഞ്ഞമ്മ, അഡ്വ. രാജേഷ് കുമാർ, രെഞ്ചു എം ജോയി, രഘു പെരുംപുളിക്കൽ എന്നിവർ പ്രസംഗീച്ചു.
