തിരുവനന്തപുരം : കോൺഗ്രസ് സഖ്യത്തിന് ഉപാധികളുമായി സിപിഐ എം. സിപിഐ എം പാർട്ടി കോൺഗ്രസിൽ ബിജെപി ബദൽ രാഷ്ട്രീയം പ്രധാന ചർച്ചയെന്ന് സിപിഐ എം പോളിറ്റ് ബ്യൂറോ അംഗം എസ്.രാമചന്ദ്രൻപിള്ള. മതനിരപേക്ഷ ചേരിയിൽ ഇടം വേണോ എന്ന് തീരുമാനിക്കേണ്ടത് കോൺഗ്രസാണ്. ബിജെപിക്കെതിരെ ആരുമായും സഹകരിക്കാൻ തയ്യാറാണെന്ന് എസ്.രാമചന്ദ്രൻ പിള്ള. സഖ്യത്തിന്റെ ഭാഗമാകണോ എന്ന് തീരുമാനിക്കേണ്ടത് കോൺഗ്രസാണ്. നവ ഉദാരവൽക്കരണത്തെയും വർഗീയതയെയും തള്ളിപറയാൻ കോൺഗ്രസ് തയ്യാറാകണം.
കേന്ദ്രസര്ക്കാരിനോടുളള സിപിഐ എം നിലപാടും അദ്ദേഹം വിശദീകരിച്ചു. കേന്ദ്രത്തിലേത് ആര്എസ്എസ് നയിക്കുന്ന ഫാസിസ്റ്റ് സ്വഭാവമുളള സര്ക്കാരെന്നും എസ് ആർപി വ്യക്തമാക്കി. സിപിഐ എം ഇരുപത്തിമൂന്നാമത് പാർട്ടി കോൺഗ്രസ് നാളെ കണ്ണൂരിൽ തുടക്കമാകും. കേന്ദ്ര നേതാക്കളടക്കം 815 പ്രതിനിധികൾ സമ്മേളനത്തിൽ പങ്കെടുക്കും.
