പാലക്കാട് : 12 കാരനെ പ്രകൃതി വിരുദ്ധ പീഡനത്തിന് ഇരയാക്കിയ കേസില് യുവാവ് അറസ്റ്റില്. പാലക്കാട് അവണക്കുന്നില് വാടകയ്ക്ക് താമസിക്കുന്ന അലനല്ലൂര് ഉണ്ണിയാല് സ്വദേശി ഹംസയെയാണ് മണ്ണാര്ക്കാട് പോലീസ് അറസ്റ്റ് ചെയ്തത്. പ്രതി നേരത്തെയും സമാനമായ കുറ്റകൃത്യത്തില് ഏര്പ്പെട്ട ആളാണെന്നും പോലീസ് പറഞ്ഞു.
അടയ്ക്ക വില്ക്കാന് വന്ന പന്ത്രണ്ടുകാരനെ മണ്ണാര്ക്കാട് മുക്കണ്ണത്തുള്ള ഒഴിഞ്ഞ പറമ്പിലെത്തിച്ച് പ്രകൃതി വിരുദ്ധ പീഡനത്തിന് ഇരയാക്കിയെന്നാണ് കേസ്. സിസിടിവി ദൃശ്യങ്ങള് പരിശോധിച്ചാണ് പ്രതിയെ പിടികൂടിയത്. കുട്ടിയില് നിന്ന് പോലീസ് വിശദമായ മൊഴിയെടുത്തു. അതിക്രമത്തിന് ഇരയായ കുട്ടി ഹംസയെ തിരിച്ചറിയുകയും ചെയ്തു. മണ്ണാര്ക്കാട് കോടതി ഹംസയെ റിമാന്ഡ് ചെയ്തു.
