തിരുവനന്തപുരം : സിപിഎം തിരുവനന്തപുരം ജില്ലാകമ്മിറ്റി ഓഫിസിന് കല്ലെറിഞ്ഞത് സിപിഎമ്മിനുള്ളിലെ പ്രശ്നങ്ങളില് നിന്ന് ശ്രദ്ധ തിരിക്കാനെന്ന് ബിജെപി. എ.കെ.ജി സെന്ററിനുനേരെ ബോംബെറിഞ്ഞവര് തന്നെയാണ് ജില്ലാ കമ്മിറ്റി ഓഫിസിന് കല്ലെറിഞ്ഞത്. ഇതിന്റെ പേരില് ബിജെപി ഓഫിസ് ആക്രമിച്ചാല് ശക്തമായി പ്രതിരോധിക്കുമെന്ന് ജില്ലാപ്രസിഡന്റ് വി.വി.രാജേഷ് പറഞ്ഞു. ഇന്ന് പുലര്ച്ചെയാണ് സിപിഎം ജില്ലാ കമ്മിറ്റി ഓഫിസിലേക്ക് കല്ലേറുണ്ടായത്.
