റാന്നി : കർഷക തൊഴിലാളികൾ എടുത്ത വായ്പകൾ പൂർണമായി എഴുതിത്തള്ളുക, ഭൂരഹിതരായ മുഴുവൻ കർഷകത്തൊഴിലാളികൾക്കും വാസയോഗ്യമായ വീടും ഒരേക്കർ ഭൂമിയും വീതം നൽകമെന്നും ബി.കെ.എം.യു റാന്നി മണ്ഡലം കമ്മറ്റി സര്ക്കാരിനോടാവശ്യപ്പെട്ടു. ജില്ലാ ജോയിന്റ് സെക്രട്ടറി തെക്കേപ്പുറം വാസുദേവന് യോഗം ഉദ്ഘാടനം ചെയ്തു. മണ്ഡലം വൈസ് പ്രസിഡന്റ് ഇ.കെ കുഞ്ഞുമോന് അധ്യക്ഷത വഹിച്ചു. ഒ.കെ തങ്കപ്പൻ ഒറ്റകുടിയിൽ,കെ.ജി രജൻ പിള്ള, തോമസ് തേക്കുംകാട്ടിൽ, എം.കെ രാജൻ, എ.ടി മാത്യു, അനിൽകുമാർ ജണ്ടായിക്കൽ എന്നിവർ പ്രസംഗിച്ചു.
