ആലപ്പാട്: അഴീക്കലില് നിന്ന് മീന്പിടിക്കാന് പോയ ബോട്ട് മണല് തിട്ടയില് ഇടിച്ച് രണ്ടായി പിളര്ന്ന് മത്സ്യത്തൊഴിലാളി മരിച്ചു . ശ്രായിക്കാട് സ്വദേശി സുബാഷ് ആണ് മരിച്ചത്. കായംകുളം പൊഴിക്ക് സമീപം മീന്പിടിത്തം കഴിഞ്ഞ് കരയിലേക്ക് മടങ്ങുന്നതിനിടെ തിരയില് പെട്ട് മണല്തിട്ടയില് ഇടിച്ചാണ് അപകടം. തകര്ന്ന ബോട്ടില് നിന്ന് ഏഴു മത്സ്യത്തൊഴിലാളികളെ രക്ഷപെടുത്തി. ഇന്ന് പുലര്ച്ചെ 4.40ന് ആയിരുന്നു അപകടം.
