പാലക്കാട് : ഭൂമി അളന്നുനല്ക്കാന് കൈക്കൂലി ആവശ്യപ്പെട്ട നാല് ഉദ്യോഗസ്ഥര് വിജിലന്സ് പിടിയില്. കടമ്പഴിപ്പുറം ഒന്നിലെ വില്ലേജ് അസിസ്റ്റന്റ് ഉല്ലാസ്, താല്ക്കാലിക ജീവനക്കാരി സുകുല, അമ്പലപ്പാറ ഫീല്ഡ് അസിസ്റ്റന്റ് പ്രസാദ് കുമാര്, റിട്ടയേഡ് വില്ലേജ് അസിസ്റ്റന്റ് സുകുമാരന് എന്നിവരെയാണ് വിജിലന്സ് അറസ്റ്റ് ചെയ്തത്. തൃപ്പലമുണ്ടയിലെ 12 ഏക്കര് സ്ഥലം അളന്നു നല്കുന്നതിന് 50,000 രൂപ ഇവര് കൈക്കൂലി ആവശ്യപ്പെട്ടതിനെ തുടര്ന്ന് സ്ഥലമുടമ ഭഗീരഥന് പരാതി നല്കിയിരുന്നു. ഈ പരാതിയുടെ അടിസ്ഥാനത്തിലാണ് വിജിലന്സ് നടപടി. ഇന്നലെ വൈകുന്നേരം ആറു മണിയോടെയാണ് പ്രതികളെ പിടികൂടിയത്.
