ഡല്ഹി: കുറ്റം തെളിയിച്ചാല് തൂങ്ങി മരിക്കാമെന്ന് ദേശീയ ഗുസ്തി ഫെഡറേഷന് അധ്യക്ഷനും ബി.ജെ.പി എം.പിയുമായ ബ്രിജ് ഭൂഷണ് ശരണ് സിങ്. തെളിവുണ്ടെങ്കില് ഗുസ്തി താരങ്ങള് കോടതിയിലോ പോലീസിനോ നല്കണം. ശിക്ഷയേറ്റ് വാങ്ങാന് തയാറാണ്. മെഡലുകള് ഒഴുക്കിയാല് തന്നെ തൂക്കിലേറ്റാന് കഴിയില്ലെന്നും ബ്രിജ് ഭൂഷണ് വ്യക്തമാക്കി.
പ്രായപൂര്ത്തിയാകാത്ത പെണ്കുട്ടി അടക്കം ഏഴ് വനിത ഗുസ്തി താരങ്ങളെ ലൈംഗികമായി പീഡിപ്പിച്ച കേസില് ദേശീയ ഗുസ്തി ഫെഡറേഷന് അധ്യക്ഷനെ പ്രതി ചേര്ത്തത്. സര്ക്കാറില്നിന്ന് നീതി ലഭിക്കാത്തതിനാല്, വിയര്പ്പൊഴുക്കി നേടിയ മെഡലുകള്ക്ക് വിലയില്ലാതായെന്നും അവ ഗംഗയില് ഒഴുക്കിക്കളയുകയാണെന്നും പ്രഖ്യാപിച്ചായിരുന്നു ഒളിമ്പിക് താരങ്ങളടക്കമുള്ള പ്രക്ഷോഭകര് ചൊവ്വാഴ്ച വൈകീട്ട് ഹരിദ്വാറില് ഗംഗാതീരത്ത് എത്തിയത്. ഭാരതീയ കിസാന് യൂണിയന് നേതാവ് നരേഷ് ടികായത്തിന്റെ നേതൃത്വത്തില് കര്ഷക നേതാക്കള് എത്തി മെഡലുകള് ഒഴുക്കുന്നതില് നിന്ന് തടയുകയായിരുന്നു.
