ബ്രിട്ടൺ : ബ്രിട്ടീഷ് പ്രധാനമന്ത്രി ബോറിസ് ജോണ്സണ് ഈ മാസം അവസാനത്തോടെ ഇന്ത്യയിലെത്തിയേക്കുമെന്ന് ഔദ്യോഗിക വൃത്തങ്ങള് പറഞ്ഞു. ഏപ്രില് 22ഓടെ ബോറിസ് ഇന്ത്യയിലെത്തിയേക്കുമെന്ന് സൂചനയുണ്ട്. ഇന്ത്യ – യു.കെ സ്വതന്ത്ര വ്യാപാര കരാര് ചര്ച്ചകളുടെ പശ്ചാത്തലത്തില് ഉഭയകക്ഷി ബന്ധം ശക്തിപ്പെടുത്തുകയാണ് സന്ദര്ശനത്തിന്റെ ലക്ഷ്യം. യുക്രെയിന് വിഷയവും ചര്ച്ചയുടെ ഭാഗമായേക്കുമെന്നാണ് കരുതുന്നത്. നേരത്തെ രണ്ട് തവണ ഇന്ത്യ സന്ദര്ശിക്കാന് ബോറിസ് തീരുമാനിച്ചിരുന്നെങ്കിലും കോവിഡ് പശ്ചാത്തലത്തില് സന്ദര്ശനം ഉപേക്ഷിക്കുകയായിരുന്നു. പ്രധാനമന്ത്രി നരേന്ദ്ര മോദി കഴിഞ്ഞ വര്ഷം നിശ്ചയിച്ചിരുന്ന യു.കെ സന്ദര്ശനവും ഉപേക്ഷിച്ചിരുന്നു.
