എറണാകുളം : കളമശ്ശേരിയിൽ പോത്തിന്റെ ആക്രമണത്തിൽ വയോധികൻ ദാരുണമായി കൊല്ലപ്പെട്ടു. കൈപ്പടമുകൾ കൊല്ലംകുടി വീട്ടിൽ അബു ആണ് മരിച്ചത്. ഇന്നലെ വൈകുന്നേരം ഏഴരയോടെയാണ് നാടിനെ നടുക്കിയ ഈ സംഭവം ഉണ്ടായത്. അബുവിന്റെ വീടിന് സമീപത്തെ പാടത്ത് മേഞ്ഞുകൊണ്ടിരുന്ന പോത്ത് കെട്ടഴിഞ്ഞ് വീടിനടുത്തേക്ക് വരികയായിരുന്നു. അവിടെ നിന്നും പോത്തിനെ ഓടിക്കാൻ ശ്രമിക്കുന്നതിനിടെ മൃഗം അപ്രതീക്ഷിതമായി അബുവിനെ കുത്തിവീഴ്ത്തുകയായിരുന്നു. നാട്ടുകാർ ഉടൻ തന്നെ അബുവിനെ ആശുപത്രിയിൽ എത്തിക്കാൻ ശ്രമിച്ചെങ്കിലും ആശുപത്രിയിൽ എത്തുന്നതിന് മുൻപേ അദ്ദേഹം മരണപ്പെട്ടു.
ആക്രമണത്തിന് ശേഷം ആളുകൾ അബുവിന്റെ അടുത്തേക്ക് ചെല്ലാൻ ശ്രമിച്ചെങ്കിലും പോത്ത് അപ്പോഴും വലിയ രീതിയിൽ അക്രമാസക്തനായിരുന്നു. പിന്നീട് ഉടമസ്ഥൻ സ്ഥലത്തെത്തി അനുനയിപ്പിച്ചപ്പോഴാണ് പോത്ത് ശാന്തനായത്. സാധാരണഗതിയിൽ അക്രമസ്വഭാവം കാണിക്കാത്ത പോത്തായിരുന്നു ഇതെന്നാണ് ലഭിക്കുന്ന വിവരം. പാടത്ത് മേഞ്ഞുനടക്കുന്ന പോത്തിനെ പരിചയമുള്ളതുകൊണ്ടാകാം അബു അതിനെ ഓടിക്കാൻ ശ്രമിച്ചതെന്ന് കരുതപ്പെടുന്നു
