കൊച്ചി : പരിസ്ഥിതി ലോലമേഖല സംബന്ധിച്ച സുപ്രിംകോടതി ഉത്തരവിനെതിരെ പ്രക്ഷോഭത്തിലേക്കെന്ന് സീറോ മലബാര് സഭ. കോടതി വിധിയെ നിസാരവത്ക്കരിക്കാന് ശ്രമം നടക്കുന്നുവെന്ന് സീറോ മലബാര് സഭാ സിനഡ് സെക്രട്ടറി മാര് ജോസഫ് പാംപ്ലാനി പറഞ്ഞു.ജനങ്ങളെ ഗൂഢവഴിയിലൂടെ കുടിയിറക്കാനുള്ള ശ്രമത്തെ സംഘടിതമായി നേരിടും. വിഷയം മതപരമല്ലെന്നും മലയോര ജനതയുടെ അതിജീവനത്തിന്റെ പ്രശ്നമാണെന്നും മാര് ജോസഫ് പാംപ്ലാനി പ്രതികരിച്ചു.
‘കര്ഷകരുടെ പ്രശ്നങ്ങള് പറയാനോ കോടതി വിധിയിലൂടെയുണ്ടാകുന്ന പ്രത്യാഘാതം ചര്ച്ച ചെയ്യാനോ ഭരണകൂടങ്ങള്ക്ക് കഴിഞ്ഞിട്ടില്ല. കര്ഷക പക്ഷത്ത് നിന്ന് ഈ വിവരങ്ങള് കോടതിയെ ബോധ്യപ്പെടുത്തേണ്ടതുണ്ട്. കൃഷിഭൂമി കയ്യേറാന് വരുന്നവരെ എതിര്ക്കാന് കര്ഷകരെ അണിനിരത്തുമെന്നും അദ്ദേഹം കൂട്ടിച്ചേര്ത്തു
