തിരുവനന്തപുരം : സ്വപ്ന സുരേഷിന്റെ ആരോപണത്തില് മുഖ്യമന്ത്രിയും പാര്ട്ടി സെക്രട്ടറിയും പറഞ്ഞതില് കൂടുതല് പ്രതികരിക്കാനില്ലെന്ന് മന്ത്രി മുഹമ്മദ് റിയാസ്. കേരളം രൂപം കൊണ്ടതിന് ശേഷം ആദ്യമായിട്ടോ അല്ലെങ്കില് 2016 ഗവണ്മെന്റ് വന്നതിന് ശേഷമോ അല്ല ഇത്തരത്തിലുള്ള പ്രതികരണങ്ങള് ഉണ്ടാകുന്നതെന്നും മന്ത്രി പറഞ്ഞു. പ്രതിപക്ഷത്തിനുള്ള മറുപടി മുഖ്യമന്ത്രി നല്കിയിട്ടുണ്ടെന്ന് അദ്ദേഹം പറഞ്ഞു.
അതേസമയം സ്വപ്ന സുരേഷിന്റെ ആരോപണത്തില് സര്ക്കാര് അന്വേഷണം നടത്തണമെന്ന് എല്ഡിഎഫ് കണ്വീനര് ഇ.പി.ജയരാജന് പറഞ്ഞു. സ്വപ്ന ഉന്നയിച്ച ആരോപണങ്ങള് പാളിപ്പോയി. സ്വപ്നയ്ക്ക് പിന്നില് പ്രവര്ത്തിച്ചവരുടെ ശബ്ദസന്ദേശം പുറത്തായിട്ടുണ്ട്. പി.സി ജോര്ജ് മാത്രമല്ല അവരുടെ പിന്നില്, പല നിഗൂഢ ശക്തികളും പ്രവര്ത്തിച്ചു. മുഖ്യമന്ത്രിയെ കരിവാരിത്തേക്കാനാണ് ശ്രമം നടക്കുന്നതെന്നും ഇ.പി ജയരാജന് പറഞ്ഞു. ‘സ്വപ്നയുടെ ആരോപണങ്ങള്ക്ക് അല്പായുസേ ഉണ്ടായിരുന്നുള്ളൂ. ഇതൊരു മാഫിയ ഭീകര പ്രവര്ത്തനമാണ് – ഇ.പി.ജയരാജന് പറഞ്ഞു.
