കോഴിക്കോട് : നിര്മാണത്തിലിരിക്കുന്ന വീടിന്റെ വാര്പ്പ് തകര്ന്നു വീണ് ഒരാള് മരിച്ചു. മൂന്ന് പേര്ക്ക് പരിക്കേറ്റു. മലയില് കരീം എന്നയാളുടെ വീടിന്റെ വാര്പ്പാണ് തകര്ന്നു വീണത് തീക്കുനി സ്വദേശിയായ ഉണ്ണി എന്ന ജിതിൻ (23) ആണ് മരിച്ചത്. തീക്കുനിയിൽ ഇന്ന് ഉച്ചയ്ക്കാണ് അപകടമുണ്ടായത്. വീടിന്റെ അടുക്കള ഭാഗത്തെ സണ്ഷേഡ് പണിയുന്നതിനിടെയാണ് അപകടമുണ്ടായത്.
താഴെ പണിയെടുക്കുകയായിരുന്ന ഉണ്ണിയുടെയും സുഹൃത്തുക്കളുടെയും മുകളിലേക്കാണ് വാര്പ്പ് പതിച്ചത്. ഉണ്ണി സംഭവ സ്ഥലത്ത് വെച്ച് തന്നെ മരിച്ചു. ബിജീഷ്, ജിഷ്ണു, അജീഷ് എന്നിവര്ക്കാണ് പരിക്കേറ്റത്. നാട്ടുകാരും ഫയര്ഫോഴ്സും ചേര്ന്നാണ് മൃതദേഹം പുറത്തെടുത്തത്. വടകര പോലീസ് സ്ഥലത്തെത്തി മേല് നടപടികള് സ്വീകരിച്ചു മൃതദേഹം കോഴിക്കോട് ആശുപത്രി മോര്ച്ചറിയിലേയ്ക്കു മാറ്റി