മാനന്തവാടി : രണ്ട് വര്ഷമായി നടന്നുകൊണ്ടിരിക്കുന്ന നിര്മ്മാണ പ്രവൃത്തികള് പൂര്ത്തീകരിക്കും മുമ്പേ സര്ക്കാര് ഓഫിസ് കെട്ടിടത്തിന്റെ ഉദ്ഘാടന മാമാങ്കം. മാനന്തവാടി സബ് രജിസ്ട്രാര് ഓഫിസ് കെട്ടിടമാണ് ബുധനാഴ്ച രാവിലെ 11ന് മന്ത്രി വി.എന് വാസവന് ഓണ്ലൈന് വഴി ഉദ്ഘാടനം ചെയ്യുന്നത്. കിഫ്ബി ഫണ്ടില്നിന്ന് 1.20 കോടി രൂപ ചെലവില് 2020ല് ആണ് നിര്മാണം ആരംഭിച്ചത്. കെട്ടിട നിര്മ്മാണം പൂര്ത്തിയാക്കി വയറിങ് നടത്തിയെങ്കിലും വൈദ്യുതി ലഭിച്ചിട്ടില്ല.
ഓണ്ലൈന് സംവിധാനത്തിനുള്ള സെര്വര് സംവിധാനങ്ങളും ഒരുക്കിയിട്ടില്ല. ഓഫിസ് പ്രവര്ത്തനങ്ങള്ക്കാവശ്യമായ ഫര്ണിച്ചര് സൗകര്യങ്ങള് ഒന്നും ഏര്പ്പെടുത്തിയിട്ടുമില്ല. റെക്കോഡ് റൂമില് രേഖകള് സൂക്ഷിക്കാനുള്ള സംവിധാനങ്ങളുമായിട്ടില്ല. ഉദ്ഘാടനം കഴിഞ്ഞാലും നിലവിലുള്ള ഓഫിസിന്റെ പ്രവര്ത്തനം അടുത്തൊന്നും മാറില്ലെന്ന് ഉദ്യോഗസ്ഥര് പറയുന്നു. ജില്ല ആശുപത്രിക്കുന്നില് ബ്രിട്ടീഷുകാരുടെ കാലത്ത് നിര്മ്മിച്ച കെട്ടിടത്തിലാണ് വര്ഷങ്ങളായി ഓഫിസ് പ്രവര്ത്തിക്കുന്നത്. ദിനംപ്രതി അമ്പതിലധികം ഭൂരജിസ്ട്രേഷന് ഈ ഓഫിസില് നടക്കുന്നുണ്ട്.