കണ്ണൂര്‍: കിളിയന്തറയില്‍ കാറില്‍ ഒളിപ്പിച്ച്‌ കടത്തുകയായിരുന്ന 60 വെടിയുണ്ടകള്‍ പിടിച്ചെടുത്തു. ആറു പാക്കറ്റുകളിലായി കടത്തിയ വെടിയുണ്ടകളാണ് കര്‍ണാടക അതിര്‍ത്തിയിലെ ചെക്ക്പോസ്റ്റില്‍ വച്ച്‌ എക്സൈസ് പിടിച്ചത്. സംഭവവുമായി ബന്ധപ്പെട്ട് തില്ലങ്കേരി മച്ചൂര്‍മല സ്വദേശി പ്രമോദിനെ കസ്റ്റഡിയിലെടുത്തു.
ആള്‍ട്ടോ കാറില്‍ കടത്തുകയായിരുന്ന വെടിയുണ്ടകളാണ് എക്സൈസ് ഇന്‍സ്‌പെക്ടര്‍ ബി. വിഷ്ണുവിന്റെ നേതൃത്വത്തിലുള്ള സംഘം കണ്ടെടുത്തത്. കാറിന്റെ ഡിക്കിക്കടിയില്‍ ഒളിപ്പിച്ചുവച്ച നിലയിലായിരുന്നു വെടിയുണ്ടകള്‍. നാടന്‍ തോക്കില്‍ ഉപയോഗിക്കുന്ന വെടിയുണ്ടകളാണ് ഇവയെന്ന് പോലീസ് പറഞ്ഞു
