ചെന്നൈ : സേലത്ത് മലയാളികള് സഞ്ചരിച്ച ബസ് ലോറിയുമായി കൂട്ടിയിടിച്ച് നഴ്സിംഗ് വിദ്യാര്ഥിനികള് ഉള്പ്പെടെ മൂന്ന് പേര്ക്ക് പരിക്ക്. ഇവരെ സമീപത്തെ ആശുപത്രിയില് പ്രവേശിപ്പിച്ചു. സേലം കരൂരിലായിരുന്നു അപകടം. നഴ്സിംഗ് വിദ്യാര്ഥികളും ഐടി ജീവനക്കാരും ഉള്പ്പെടെയുള്ള സംഘം നാട്ടിലേക്ക് മടങ്ങുന്നതിനിടെയാണ് അപകടം. കോട്ടയം, ഇടുക്കി ജില്ലകളില് നിന്നുള്ള നേഴ്സിംഗ് വിദ്യാര്ത്ഥികളാണ് അപകടത്തില്പ്പെട്ടത്.
ബസില് കോട്ടയം, ഇടുക്കി സ്വദേശികളായ 24 പേരാണ് ഉണ്ടായിരുന്നത് . അപകടത്തില് ഡ്രൈവര്ക്ക് ഗുരുതര പരിക്കേറ്റു. രണ്ട് നഴ്സിംഗ് വിദ്യാര്ഥിനികള്ക്ക് തലയ്ക്ക് സാരമായ പരിക്കുണ്ട്. കരൂര് ഹൈവേയില് ലോറി ഇടറോഡിലേക്ക് പെട്ടെന്ന് തിരിഞ്ഞപ്പോള് പിന്നാലെ എത്തിയ ബസ് നിയന്ത്രണംവിട്ട് ഇടിക്കുകയായിരുന്നു.