മലപ്പുറം : താനൂരില് ഓടിക്കൊണ്ടിരിക്കുന്ന ബസില് നിന്ന് തെറിച്ചുവീണ സ്ത്രീ മരിച്ചു. ഗീത എന്ന നാല്പ്പത്കാരിയാണ് കോഴിക്കോട് മെഡിക്കല് കോളേജില് ചികിത്സയിലിരിക്കെ മരിച്ചത്. ഇന്ക്വിസ്റ്റ് നടത്തി പോസ്റ്റ്മോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടു നല്കും. ചൊവ്വാഴ്ച്ച രാവിലെ അമ്മയെ താനൂരിലെ ബന്ധുവീട്ടിലാക്കി ഭര്തൃഗൃഹത്തിലേക്ക് മടങ്ങവെയാണ് അപകടത്തില്പെട്ടത്. ചിറക്കലില് നിന്നും സ്വകാര്യബസിലായിരുന്നു യാത്ര. യാത്ര ആരംഭിച്ച് ഒന്നര കിലോമീറ്റര് പിന്നിട്ടപ്പോഴായിരുന്നു താനൂര് തെയ്യാല റോഡ് ജംഗ്ക്ഷനില് ബസ്സിന്റെ മുന്വശത്തെ ഡോറിലൂടെ തെറിച്ചുവീണത്.
ഉക്രൈനിലുള്ള മലയാളികളെക്കുറിച്ച് വിവരങ്ങള് അറിയിക്കാന് ഇന്ത്യന് എംബസി ഏര്പ്പെടുത്തിയിട്ടുള്ള +380997300483, +380997300428 എന്നീ നമ്പറുകളിൽ ബന്ധപ്പെടാവുന്നതാണ്. വിദേശകാര്യമന്ത്രാലയത്തിന്റെ 1800 118797 എന്ന ടോള് ഫ്രീ നമ്പരും +911123012113, +911123014104, +911123017905 എന്നീ നമ്പറുകളും പ്രയോജനപ്പെടുത്താം. കൂടാതെ യുക്രൈനിലെ മലയാളികളുടെ വിവരങ്ങള് നോര്ക്കയില് അറിയിക്കാന് ആഗ്രഹിക്കുന്ന നാട്ടിലെ ബന്ധുക്കള്ക്ക് നോര്ക്ക റൂട്ട്സിന്റെ 1800 425 3939 എന്ന ടോള് ഫ്രീ നമ്പറിലും ബന്ധപ്പെടാവുന്നതാണ്. [email protected] എന്ന ഇ-മെയിലിലോ അറിയിക്കാം.
