തിരുവനന്തപുരം : ബസ് ചാര്ജ് വര്ധിപ്പിക്കുമെന്ന് ഗതാഗത മന്ത്രി ആന്റണി രാജു. ബസ് ഉടമകളുടെ ആവശ്യം ന്യായമാണ്. ജനങ്ങളെ ബോധ്യപ്പെടുത്തി ആരെയും ബുദ്ധിമുട്ടിപ്പിക്കാതെ രീതിയില് നിരക്ക് വര്ധന നടപ്പിലാക്കാനാണ് ആലോചിക്കുന്നതെന്നും മന്ത്രി വ്യക്തമാക്കി. ഇന്ധന വില ഉയരുന്നത് വലിയ പ്രതിസന്ധിയാണ്. പൊതുജനങ്ങളെ ബാധിക്കുന്ന വിഷയമാണ്. ബസ് ചാര്ജ് വര്ധന ഉണ്ടാകും, എന്നാല് എന്ന് നടപ്പിലാക്കുമെന്ന് ഇപ്പോള് പറയാന് സാധിക്കില്ലെന്നും മന്ത്രി പറഞ്ഞു. ബസ് ചാര്ജ് വര്ധന ഗൗരവമായ കാര്യമായതിനാല് എടുത്ത് ചാടി ഉള്ള തീരുമാനം പ്രായോഗികമല്ല. വിദ്യാര്ഥികളുടെ കണ്സഷന് വര്ധിപ്പിക്കുന്ന കാര്യവും പരിഗണിക്കും. വിദ്യാര്ഥികളുടെ കണ്സഷന് വര്ധിപ്പിച്ചത് 10 വര്ഷം മുമ്പാണെന്നും മന്ത്രി വ്യക്തമാക്കി.
