കൊച്ചി : ബസ് ജീവനക്കാരുടെ ലഹരി ഉപയോഗത്തിനെതിരെ കര്ശന നിര്ദേശവുമായി ഹൈക്കോടതി. പോലീസും മോട്ടോര് വാഹന വകുപ്പും നിരന്തര പരിശോധന നടത്തണമെന്ന് ഹൈക്കോടതി നിര്ദേശിച്ചു. ലഹരി ഉപയോഗിച്ച് വാഹനമോടിക്കുന്നത് ഗുരുതര ഭീഷണിയുണ്ടാക്കുന്നതാണെന്ന് ഹൈക്കോടതി ചൂണ്ടിക്കാട്ടി. ബസ് ജീവനക്കാരുടെ ലഹരി ഉപയോഗം പൊതുഗതാഗതത്തെ ആശ്രയിക്കുന്നവരുടെ ജീവന് ഭീഷണിയെന്ന് ജസ്റ്റിസ് വിജു എബ്രഹാം പറഞ്ഞു. ലഹരി ഉപയോഗിക്കുന്ന ഡ്രൈവര്മാരുടെ ലൈസന്സ് റദ്ദാക്കുന്നതടക്കമുള്ള കാര്യങ്ങള് നിയമത്തിനുള്ളില് നിന്ന് ചെയ്യണമെന്നും ഹൈക്കോടതി നിര്ദേശിച്ചു.
