കോഴിക്കോട് : കാന്സര് അതിജീവന പോരാളി നന്ദു മഹാദേവ അന്തരിച്ചു. 27വയസായിരുന്നു. തിരുവനന്തപുരം ഭരതന്നൂര് സ്വദേശിയാണ്. കോഴിക്കോട് എം വി ആര് കാന്സര് സെന്ററില് ചികിത്സയിലായിരുന്നു. പുലര്ച്ചെ മൂന്നരയോടെയായിരുന്നു അന്ത്യം.
‘അതിജീവനം” കൂട്ടായ്മയുടെ മുഖ്യസംഘാടകനായിരുന്നു. കാന്സര് പോരാട്ടത്തില് നിരവധി പേര്ക്ക് പ്രചോദനമായാണ് നന്ദുവിന്റെ മടക്കം. തന്റെ രോഗത്തെക്കുറിച്ചും ചികിത്സയെക്കുറിച്ചുമൊക്കെ നന്ദു സോഷ്യല് മീഡിയയിലൂടെ പങ്കുവെയ്ക്കാറുണ്ടായിരുന്നു.
