അഞ്ചാലുംമൂട് : സ്കൂള് വിദ്യാര്ഥികള്ക്ക് കഞ്ചാവ് വില്പന നടത്തുന്നതിനിടെ യുവാവ് പിടിയില്. തൃക്കടവൂര് ഒറ്റക്കല് ജയസരസ്വതി മന്ദിരത്തില് കൊമ്പന് അജി എന്ന അജികുമാര് (43) ആണ് പിടിയിലായത്. അഞ്ചാലൂംമൂട് ഹയര് സെക്കന്ഡറി സ്കൂളിന് സമീപം വിദ്യാര്ഥികള്ക്ക് കഞ്ചാവ് കൈമാറാന് ശ്രമിക്കുമ്പോഴായിരുന്നു കസ്റ്റഡിയിലെടുത്തത്. ഇയാളില് നിന്ന് 47 പൊതികളിലാക്കി സൂക്ഷിച്ച 270 ഗ്രാം കഞ്ചാവ് പിടിച്ചെടുത്തു. കഞ്ചാവ് വില്പനയുടെ പേരില് മുമ്പ് രണ്ടു തവണ ഇയാളെ കോടതി ശിക്ഷിച്ചിട്ടുണ്ട്.
ജില്ല പോലീസ് മേധാവി ടി. നാരായണന് ലഭിച്ച രഹസ്യ വിവരത്തിന്റെ അടിസ്ഥാനത്തില് ജില്ല ആന്റി നാര്ക്കോട്ടിക്ക് സ്പെഷല് ആക്ഷന് ഫോഴ്സും (ഡാന്സാഫ്) അഞ്ചാലുംമൂട് പോലീസും സംയുക്തമായാണ് പരിശോധന നടത്തിയത്. അഞ്ചാലുംമൂട് ഇന്സ്പെക്ടര് സി.ദേവരാജന്റെ നേതൃത്വത്തില് എസ്.ഐ മാരായ അനീഷ്, ജയകുമാര്, ബാബുകുട്ടന്, സത്യരാജ് എ.എ, സ്.ഐ ബൈജൂ ജെറോം എസ്.സി.പി.ഒ മാരായ സജു, മനു, സീനു, സി.പി.ഒ മാരായ രിപു, രതീഷ്, ഷാഫി, മണികണ്ഠന് എന്നവരടങ്ങിയ സംഘമാണ് പിടികൂടിയത്. ഇയാളെ റിമാന്ഡ് ചെയ്തു.
