ലകനൗ : ഉത്തര്പ്രദേശില് രണ്ടാം യോഗി ആദിത്യനാഥ് സര്ക്കാര് ഈ മാസം 25 ന് അധികാരത്തില് വരും. തലസ്ഥാനമായ ലകനൗവിലെ ഏക്നാ സ്റ്റേഡിയത്തില് വൈകിട്ട് 4 മണിക്കാണ് ചടങ്ങ്. പ്രധാനമന്ത്രി നരേന്ദ്രമോദി, പാര്ട്ടി അധ്യക്ഷന് ജെ.പി നദ്ദ, മന്ത്രിമാരായ അമിത് ഷാ, രാജ് നാഥ് സിംഗ്, എന്നിവര് ചടങ്ങില് സാക്ഷ്യം വഹിക്കും. വിവിധ സംസ്ഥാനങ്ങളിലെ ബിജെപി മുഖ്യമന്ത്രിമാരും ചടങ്ങില് പങ്കെടുക്കും. പ്രഭാരിമാരായി നിയോഗിക്കപ്പെട്ട അമിത് ഷാ രഘുവര് ദാസ് എന്നിവര് യുപിയിലെത്തും.
എംഎല്എമാരുടെ യോഗം ചേര്ന്ന് യോഗി ആദിത്യനാഥിനെ നിയമസഭാ കക്ഷി നേതാവായി തെരഞ്ഞെടുക്കും. അഞ്ചു വര്ഷത്തെ കാലാവധി പൂര്ത്തിയാക്കിയശേഷം തുടര്ഭരണം ലഭിക്കുന്ന യുപിയിലെ ആദ്യ ബിജെപി സര്ക്കാരാണ് യോഗിയുടേത്. 37 വര്ഷത്തിനുശേഷമാണ് ഒരു പാര്ട്ടിക്ക് യുപിയില് തുടര്ഭരണം ലഭിക്കുന്നത്.
