ഡൽഹി : ∙പരമോന്നത സൈനികമെഡലായ പരംവീരചക്ര നൽകി രാജ്യം ആദരിച്ച കാർഗിൽ യുദ്ധവീരൻ ക്യാപ്റ്റൻ വിക്രം ബത്രയുടെ അമ്മ കമൽ കാന്ത് ബത്ര (77) അന്തരിച്ചു. ബുധനാഴ്ച അർധരാത്രിയോടെ ഹിമാചൽപ്രദേശ് മുഖ്യമന്ത്രി സുഖ്വിന്ദർ സിങ് സുഖുവാണ് മരണവിവരം സാമൂഹികമാധ്യമത്തിലൂടെ അറിയിച്ചത്.
റിട്ട. അധ്യാപികയും ആം ആദ്മി പാർട്ടി മുൻനേതാവുമായിരുന്ന കമൽ കാന്ത് ബത്ര ഹിമാചൽപ്രദേശിലെ പലംപുർ സ്വദേശിയാണ്. 2014-ലെ പൊതുതിരഞ്ഞെടുപ്പിൽ ഹിമാചൽപ്രദേശിലെ ഹാമിർപുരിൽനിന്നാണ് ആം ആദ്മി പാർട്ടി സ്ഥാനാർഥിയായി മത്സരിച്ചത്. ഏതാനും മാസങ്ങൾക്കകംതന്നെ പാർട്ടി വിടുകയും ചെയ്തു.
