മലപ്പുറം : എടപ്പാളില് കാര് ഓടിച്ചുകൊണ്ടിരിക്കെ ദേഹാസ്വാസ്ഥ്യം തോന്നിയ ഡ്രൈവര് ആശുപത്രിയിലെത്തും മുമ്പ് മരിച്ചു. പൊന്നാനി മുക്കൂട്ടക്കല് പ്രകാശന് (42) ആണ് മരിച്ചത്. അസ്വാസ്ഥ്യം തോന്നിയ ഉടന് പ്രകാശന് സ്വയം ആംബുലന്സ് വിളിച്ചിരുന്നു. ഇതില് കയറി ആശുപത്രിയിലേക്ക് തിരിച്ചെങ്കിലും വഴിമധ്യേ മരിക്കുകയായിരുന്നു.
എടപ്പാള്- കുറ്റിപ്പുറം റോഡിലെ ഓട്ടോറിക്ഷാ ഡ്രൈവറായിരുന്നു പ്രകാശന്. ഇടയ്ക്ക് സ്വകാര്യകാറുകളില് ഡ്രൈവറായി പോയിരുന്നു. ചൊവ്വാഴ്ച വൈകുന്നേരം അത്തരമൊരു യാത്രക്കിടെ എടപ്പാളിനടുത്ത് പാറപ്പുറത്തുവെച്ച് അസ്വസ്ഥത തോന്നുകയായിരുന്നു. രണ്ട് ദിവസം മുമ്പ് സമാനമായി അസ്വസ്ഥത തോന്നിയപ്പോള് പ്രകാശന് ആംബുലന്സ് വിളിച്ച് പോയി ഡോക്ടറെ കണ്ടിരുന്നു. അതിനാല് അതേ ആംബുലന്സ് തന്നെ ഇത്തവണയും വിളിച്ചു. ഇതില് കയറി ആശുപത്രിയിലേക്ക് പോകും മരണത്തിന് കീഴടങ്ങുകയായിരുന്നു. ഭാര്യ രമ്യ, രണ്ട് മക്കളുണ്ട്.
