തൃശ്ശൂര്: തൃശ്ശൂര് ദേശമംഗലത്ത് പശുക്കള് ഷോക്കേറ്റ് ചത്തു. പൊട്ടി വീണ വൈദ്യുതി കമ്പിയില് നിന്നും ഷോക്കേറ്റാണ് മൂന്ന് പശുക്കള് ചത്തത്. കടുകശ്ശേരി തോട്ടുമൂച്ചിക്കല് അവറുവിന്റെ മൂന്ന് പശുക്കളാണ് ചത്തത്. ശക്തമായ കാറ്റില് വൈദ്യുത കമ്പികള് പൊട്ടി വീഴുകയായിരുന്നുവെന്ന് നാട്ടുകാര് പറയുന്നു. ഇന്ന് പാലക്കാട് അട്ടപ്പാടിയില് ഒരു ഇതരസംസ്ഥാന തൊഴിലാളിയിലും ഷോക്കേറ്റ് മരിച്ചിരുന്നു. ഷോളയൂരിലായിരുന്നു അപകടം. പശ്ചിമബംഗാള് സ്വദേശി ആഖിബുല് ശൈഖ് ആണ് മരിച്ചത്. ഇവിടെ കെട്ടിട നിര്മ്മാണത്തിനായി എത്തിയതായിരുന്നു ആഖിബ്. തലയില് സിമന്റ് ചാക്കുമായി പോകുമ്പോള് ദേഹത്തേക്ക് വൈദ്യുതി ലൈന് പൊട്ടി വീഴുകയായിരുന്നു.
