വടക്കാഞ്ചേരി : വടക്കാഞ്ചേരി നഗരസഭ ആസ്ഥാനത്ത് സി.ബി.ഐ റെയ്ഡ്. ലൈഫ് മിഷൻ ഫ്ലാറ്റ് നിർമാണവുമായി ബന്ധപ്പെട്ട ഫയലുകൾ കസ്റ്റഡിയിലെടുത്തു. ഫ്ലാറ്റ് നിർമാണത്തിൻ്റെ പെർമിറ്റ് അനുവദിച്ച ഫയലും പരിശോധിച്ചു. ഫ്ലാറ്റ് അനുമതി ആര്ക്കാണ് നല്കിയതെന്നാണ് സിബിഐ പരിശോധന നടത്തിയത്.
രണ്ടു മണിക്കൂറോളം നീണ്ട പരിശോധനയില് നിരവധി രേഖകള് പിടിച്ചെടുത്തു ഇത് പരിശോധിച്ചതിനു ശേഷമേ തുടര് നടപടി സ്വീകരിക്കും. ഇത് സംബന്ധിച്ച് അറസ്റ്റുകളും പരിശോധനയ്ക്കുശേഷമേ ഉണ്ടാകൂ.
റെഡ്ക്രസൻ്റ് നൽകിയ പണത്തിൽ നിന്ന് കമ്മിഷൻ കൈപ്പറ്റിയെന്നാണ് ആരോപണം. അനിൽ അക്കര എം.എൽ.എയുടെ പരാതിപ്രകാരം സി.ബി.ഐ കേസെടുത്തിരുന്നു. ഇതിനു പിന്നാലെയാണ് കൊച്ചി യൂണിറ്റിലെ സംഘം വടക്കാഞ്ചേരിയിൽ പരിശോധനയ്ക്ക് എത്തിയത്. ഫ്ലാറ്റിൽ എത്ര തുകയ്ക്ക് ഇതുവരെ നിർമാണം നടത്തിയെന്നും സി.ബി.ഐ പരിശോധിക്കും.
