കൊച്ചി: നെടുങ്കണ്ടം രാജ്കുമാര് കസ്റ്റഡി മരണക്കേസില് പോലീസ് ഉദ്യോഗസ്ഥരുടെ നുണ പരിശോധന തുടങ്ങി. കട്ടപ്പന മുന് ഡിവൈഎസ്പി പി.പി ഷംസ് കൊച്ചിയിലെ സിബിഐ ഓഫീസില് ഹാജരായി.
സ്പെഷ്യല് ബ്രാഞ്ച് ഡിവൈഎസ്പിയായിരുന്ന അബ്ദുള്സലാമിന്റെ നുണ പരിശോധന ഉച്ചയ്ക്ക് ശേഷമാണ് നടക്കുക. ഇടുക്കി മുന് എസ്പി കെ.ബി വേണുഗോപാലിന്റെ നുണ പരിശോധന നാളെ നടക്കും.
പോലീസ് കസ്റ്റഡിയില് രാജ്കുമാര് ഉണ്ടായിരുന്നു എന്നതിനെക്കുറിച്ച് ഈ ഉദ്യോഗസ്ഥര്ക്ക്
അറിവുണ്ടായിരുന്നോയെന്നാണ് സിബിഐ പരിശോധിക്കുന്നത്. രാജ്കുമാര് കസ്റ്റഡിയിലുളള കാര്യംഅറിഞ്ഞിരുന്നില്ലെന്നാണ് എസ്പി അടക്കമുളള ഉദ്യോഗസ്ഥര് നേരത്തെ സിബിഐയോട് പറഞ്ഞിരുന്നത്. ഇക്കാര്യത്തില് വ്യക്തത വരുത്താനാണ് സിബിഐ ശ്രമിക്കുന്നത്.
