തിരുവനന്തപുരം : വട്ടപ്പാറയില് കെ.എസ്.ആര്.ടി.സി ബസില് മോഷണം നടത്തിയ തമിഴ്നാട് സ്വദേശി അറസ്റ്റില്. മധുര വാടിപ്പാടി കച്ചകെട്ടി ഗ്രാമത്തില് ഹരിണിയെയാണ് വട്ടപ്പാറ പോലീസ് അറസ്റ്റ് ചെയ്തത്. ബസിലെ യാത്രക്കാരിയുടെ മാലയാണ് ഹരിണി മോഷ്ടിച്ചത്. കടയ്ക്കല് സ്വദേശിയായ സ്ത്രീ ബസില് നിന്നും വട്ടപ്പാറ ഇറങ്ങാന് ശ്രമിക്കുമ്പോള് ഹരിണി മാല പൊട്ടിക്കുകയായിരുന്നു.
മാല പൊട്ടിച്ചത് മനസിലാക്കിയ യാത്രക്കാരി ബഹളം വെയ്ക്കുകയും തുടര്ന്ന് ബസ് നിര്ത്തി ഹരിണിയെ പരിശോധിച്ചപ്പോള് മാല കണ്ടെത്തുകയുമായിരുന്നു. ഹരിണിയുടെ വസ്ത്രത്തില് നിന്നുമാണ് മാല ലഭിച്ചത്. സമീപ പ്രദേശങ്ങളിലും ഇത്തരത്തില് മോഷണ ശ്രമം നടന്നിട്ടുണ്ടോ എന്ന് സംശയമുണ്ട്. കോടതിയില് ഹാജരാക്കിയ ഹരിണിയെ റിമാന്ഡ് ചെയ്തു.
