തിരുവനന്തപുരം: സംസ്ഥാനത്ത് മഴ മുന്നറിയിപ്പിൽ മാറ്റം. കാസർഗോഡ്, കണ്ണൂർ, വയനാട്, കോഴിക്കോട്, മലപ്പുറം, പാലക്കാട്, തൃശൂർ, എറണാകുളം ജില്ലകളിൽ ഇന്ന് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി. ഈ ജില്ലകൾക്ക് ഇന്ന് യെല്ലോ അലേർട്ടാണുള്ളത്. മഴയോടൊപ്പം ഒറ്റപ്പെട്ട സ്ഥലങ്ങളിൽ ശക്തമായ ഇടിമിന്നലിനും കാറ്റിനും സാധ്യതയുള്ളതിനാല് പൊതുജനങ്ങള് പ്രത്യേക ജാഗ്രത പാലിക്കണമെന്ന് അധികൃതര് നിര്ദേശിച്ചു. ഇടിമിന്നല് ലക്ഷണങ്ങള് കണ്ടുതുടങ്ങുന്നതുമുതല് തന്നെ സുരക്ഷിതമായ കെട്ടിടങ്ങളിലേക്ക് മാറണം.
ശക്തമായ കാറ്റില് മരങ്ങള് കടപുഴകി വീഴാനും വൈദ്യുത പോസ്റ്റുകള് തകരാനും സാധ്യതയുള്ളതിനാല് യാത്ര ചെയ്യുന്നവരും പൊതുജനങ്ങളും ജാഗ്രത പുലര്ത്തണമെന്നും കേന്ദ്ര കാലാവസ്ഥാ വകുപ്പ് നല്കിയ മുന്നറിയിപ്പില് വ്യക്തമാക്കുന്നു. അതേസമയം, നാളെ (21/07/2026) മുതൽ സംസ്ഥാനത്ത് ഒരു ജില്ലകളിലും അലർട്ടുകൾ നൽകിയിട്ടില്ല.
