ചണ്ഡീഗഢ് : നിരവധി ചർച്ചകള്ക്ക് ശേഷം ചരണ്ജിത് സിങ് ചന്നിയെ പഞ്ചാബ് മുഖ്യമന്ത്രിയായി നിശ്ചയിച്ചു. ഇന്ന് ചേര്ന്ന പാര്ലമെന്ററി പാര്ട്ടി യോഗമാണ് ചരണ്ജിത് സിങ് ചന്നിയെ നേതാവായി തിരഞ്ഞെടുത്തത്. പഞ്ചാബിന്റെ ചുമതലയുള്ള ഹരീഷ് റാവത്താണ് പുതിയ മുഖ്യമന്ത്രിയുടെ പേര് പുറത്തുവിട്ടത്. പഞ്ചാബിന്റെ ചരിത്രത്തില് ഒരു ദലിത് സിഖുകാരന് മുഖ്യമന്ത്രിയാവുന്നത് ഇതാദ്യമാണ്.
ഇന്ന് ഉച്ച വരെ സുഖ്ജീന്ദര് രണ്ധാവ മുഖ്യമന്ത്രിയായേക്കുമെന്നാണ് വാര്ത്തകള് പുറത്തുവന്നിരുന്നത്. ആഭ്യന്തര അഭിപ്രായവ്യത്യാസം പരമാവധി ഒഴിവാക്കുന്നതായിരിക്കണം തീരുമാനമെന്ന് കേന്ദ്ര നേതൃത്വം നിര്ദേശിച്ചതുപ്രകാരമാണ് ചരണ്ജിത് സിങ് ചന്നയ്ക്ക് നറുക്ക് വീണത്.
