കൊയിലാണ്ടി : വില്പ്പനയ്ക്കായി വീട്ടില് ചാരായം സൂക്ഷിച്ച ചേമഞ്ചേരി സ്വദേശി പിടിയില്. ചേമഞ്ചേരി പൂക്കാട് പാറപ്പറമ്ബില് രാജനെയാണ് എക്സൈസ് സംഘം അറസ്റ്റ് ചെയ്തത്. അമ്പത്തിയെട്ടു വയസ്സായിരുന്നു. അഞ്ച് ലിറ്റര് വാറ്റുചാരായമാണ് ഇയാളുടെ വീട്ടില് നിന്നും കണ്ടെടുത്തത്. കുറേ നാളുകളായി പ്രതി വീട്ടില് വെച്ച് ഗ്യാസ് കുക്കറില് ചാരായവാറ്റ് നടത്തി വരികയായിരുന്നു എന്ന് എക്സൈസ് സംഘം അറിയിച്ചു. പതിമൂന്നാം തീയതി വ്യാഴാഴ്ച എട്ടു മണിയോടെയാണ് ഇയാളെ അറസ്റ്റ് ചെയ്തത്.
കൊയിലാണ്ടി കോടതിയില് ഹാജരാക്കിയ പ്രതിയെ സബ് ജയിലില് റിമാന്ഡ് ചെയ്തു. കൊയിലാണ്ടി എക്സൈസ് ഇന്സ്പെക്ടര് ജി.ബിനുഗോപാലിന്റെ നേതൃത്വത്തില് അസിസ്റ്റന്റ് എക്സൈസ് ഇന്സ്പെക്ടര് എ.പി ദിപീഷ്, സിവില് എക്സൈസ് ഓഫീസര്മാരായ എ.കെ രതീഷ്, റ്റി.ഷിജു, പി.പി ഷൈജു, വനിതാ സിവില് എക്സൈസ് ഓഫീസര്ബി.എന് ഷൈനി ഡ്രൈവര് മുബശീര് എന്നിവരടങ്ങിയ സംഘമാണ് പ്രതിയെ വീട്ടില് നിന്നും അറസ്റ്റ് ചെയ്തത്.
