കൊല്ലം : ഓണക്കാല വില്പ്പനയ്ക്കായി വീടിനോട് ചേര്ന്നുള്ള മുറിയില് ചാരായം വാറ്റുകയായിരുന്ന യുവാവിനെ എക്സൈസ് സ്പെഷ്യല് സ്ക്വാഡ് പിടികൂടി. കിഴക്കേ കല്ലട തെക്കേമുറി മുട്ടം തൈവിളാകം വീട്ടില് രെജന് ദാസിനെയാണ് (34) പത്ത് ലിറ്റര് ചാരായവും 20 ലിറ്റര് കോടയുമായി പിടികൂടിയത്. ലോക്ക് ഡൗണ് കാലത്ത് സമാനരീതിയില് ചാരായം വാറ്റിയിട്ടുണ്ടെന്ന് ചോദ്യം ചെയ്യലില് ഇയാള് സമ്മതിച്ചതായി എക്സൈസ് അറിയിച്ചു.
കൊല്ലം എക്സൈസ് സ്പെഷ്യല് സ്ക്വാഡ് സര്ക്കിള് ഇന്സ്പെക്ടര് ടോണി ജോസിന് ലഭിച്ച രഹസ്യ വിവരത്തിന്റെ അടിസ്ഥാനത്തില് പ്രിവന്റീവ് ഓഫീസര് എം.മനോജ് ലാലിന്റെ നേതൃത്വത്തിലുള്ള ഷാഡോ സംഘമാണ് ഇയാളെ അറസ്റ്റ് ചെയ്തത്. പ്രിവന്റീവ് ഓഫീസര് രഘു സിവില് എക്സൈസ് ഓഫീസര്മാരായ ശ്രീനാഥ്, നിഥിന്, അജിത്, ജൂലിയന് ഡ്രൈവര് നിഷാദ് എന്നിവരും പരിശോധനാസംഘത്തിലുണ്ടായിരുന്നു.
