തിരുവനന്തപുരം : എം.ബി രാജേഷ് മന്ത്രിയായി സത്യപ്രതിജ്ഞ ചെയ്തു. രാവിലെ 11 മണിക്ക് രാജ് ഭവനിലായിരുന്നു സത്യപ്രതിജ്ഞ. സി.പി.എം സംസ്ഥാന സെക്രട്ടറിയായി തെരെഞ്ഞെടുത്ത എംവി ഗോവിന്ദൻ രാജിവെച്ച ഒഴിവിലാണ് നിയമസഭാ സ്പീക്കറായിരുന്ന രാജേഷിനെ മന്ത്രിസഭയിൽ ഉൾപ്പെടുത്തിയത്.
തദ്ദേശസ്വയംഭരണ-എക്സൈസ് മന്ത്രിയായാണ് രാജേഷ് ചുമതലയേൽക്കുക എന്നാണ് സൂചന. എന്നാല് വകുപ്പ് മുഖ്യമന്ത്രി തീരുമാനിക്കുമെന്നും ഔദ്യോഗികമായി അറിഞ്ഞ ശേഷം പ്രതികരിക്കാം എന്നാണ് സത്യപ്രതിജ്ഞക്ക് മുമ്പ് രാജേഷ് പ്രതികരിച്ചത്.
