റാന്നി : കേരള മഹിളാസംഘം റാന്നി മണ്ഡലം കമ്മറ്റിയുടെ നേതൃത്വത്തില് ളാഹ മഞ്ഞത്തോട് ആദിവാസി കോളനിയില് ഊരില് ഒരു കൂട്ടം എന്ന പരിപാടി സംഘടിപ്പിച്ചു. ഓയില്പാം ഇന്ത്യാ ചെയര്മാന് എം.വി വിദ്യാധരന് ഉദ്ഘാടനം ചെയ്തു. ഓണക്കോടി വിതരണം അടൂര് നഗരസഭാധ്യക്ഷന് ഡി സജി നിര്വ്വഹിച്ചു. വരമേളം നടത്തിയ കാര്ട്ടൂണിസ്റ്റ് ഷാജി മാത്യുവിനെ ജില്ലാ ഉപഭോക്ത കോടതി പ്രസിഡന്റ് ബേബിച്ചന് വെച്ചൂച്ചിറ ആദരിച്ചു.
മണ്ഡലം പ്രസിഡന്റ് ജെയ്നമ്മ തോമസ് അധ്യക്ഷത വഹിച്ചു. ജില്ലാ സെക്രട്ടറി എം.പി മണിയമ്മ, പ്രസിഡന്റ് കെ.പദ്മിനിയമ്മ, സംസ്ഥാന കമ്മറ്റിയംഗം ലിസി ദിവാന്, ജില്ലാ പഞ്ചായത്തംഗം രാജി പി.രാജപ്പന്, ബ്ലോക്കു പഞ്ചായത്ത് വൈസ് പ്രസിഡന്റ് പി.എസ് സുജ, പെരുനാട് പഞ്ചായത്ത് വൈസ് പ്രസിഡന്റ് ഡി ശ്രീകല, സി.പി.ഐ മണ്ഡലം സെക്രട്ടറി ടി.ജെ ബാബുരാജ്, അസി.സെക്രട്ടറി സന്തോഷ് കെ.ചാണ്ടി, ജില്ലാ കൗണ്സിലംഗം എം.വി പ്രസന്നകുമാര്,മണ്ഡലം സെക്രട്ടേറിയറ്റംഗങ്ങളായ ജോജോ കോവൂര്,എസ്.എസ് സുരേഷ്, ലോക്കല് സെക്രട്ടറി സി സുരേഷ്, ഊരുമൂപ്പന് എം രാജു, മുന് ഗ്രാമപഞ്ചായത്തംഗം പി.എസ് ഉത്തമന്, എ.ഐ.ഡി.ആര്.എം മണ്ഡലം പ്രസിഡന്റ് എം.എസ് മനോജ് എന്നിവര് പ്രസംഗിച്ചു.
