മലപ്പുറം: മില്മയുടെ ഓഫീസില് ജോലി വാഗ്ദാനം ചെയ്ത് പത്തു ലക്ഷം രൂപ തട്ടിയെടുത്തെന്ന പരാതിയുമായി ദമ്പതികള്.
എറണാകുളം സ്വദേശികളായ ബിനു ജോണ് ഡാനിയേലും ഭാര്യയും ജോലി വാഗ്ദാനം ചെയ്ത് പണം തട്ടിയെന്നാണ് പരാതി. മലപ്പുറം സ്വദേശികളായ ദമ്പതികളാണ് തട്ടിപ്പിനിരയായത്.ഇടപ്പള്ളിയിലെ മില്മ ഓഫീസില് അക്കൗണ്ടന്റ് ജോലി വാഗ്ദാനം ചെയ്താണ് തട്ടിപ്പ് നടന്നത്. ആദ്യം താത്കാലികമായി നിയമനം നല്കിയ ശേഷം പിന്നീട് സ്ഥിരപ്പെടുത്താമെന്നായിരുന്നു വാഗ്ദാനം.
പരീക്ഷയൊന്നും ഉണ്ടായിരുന്നില്ലെങ്കിലും അഭിമുഖം ഉണ്ടാകുമെന്ന തരത്തിലുള്ള കത്തുകള് വാട്സ് ആപ്പ് മുഖേന ഇവര്ക്ക് അയച്ചിരുന്നു.പണം നല്കി രണ്ടു വര്ഷമായിട്ടും ജോലി ലഭിച്ചിട്ടില്ലെന്നു ദമ്പതികള് പറയുന്നു. കൂടുതല് പേര് തട്ടിപ്പിനിരയായിട്ടുണ്ടെന്നാണ് സൂചന. സംഭവത്തില് ഇവര് പോലീസില് പരാതി നല്കും.