കൊല്ലം : വീട് നിര്മ്മാണ കരാര് ഏറ്റെടുത്ത് ആളുകളില് നിന്ന് പണം വാങ്ങി തട്ടിപ്പ് നടത്തിയ കോണ്ട്രാക്ടര് പിടിയില്. കാര്യറ എ പി ഹൗസില് ഷറഫുദ്ദീനെയാണ് പോലീസ് അറസ്റ്റ് ചെയ്തത്. വീട് നിര്മ്മാണത്തിന്റെ കരാര് ഏറ്റെടുക്കുന്ന ഷറഫുദ്ദീന് വന് തുകകളാണ് മുന് കൂറായി കൈപ്പറ്റുന്നത്. പിന്നീട് നിര്മ്മാണപ്രവര്ത്തനങ്ങള് നടത്താതെ കടന്ന് കളയുകയും ചെയ്യും. പത്തനാപുരം, ഏലാദിമംഗലം, കലഞ്ഞൂര് ഭാഗങ്ങളിലായി ഒട്ടേറെ പേരെ ഇയാള് ഇത്തരത്തില് കബളിപ്പിച്ചിട്ടുണ്ട്. കൊല്ലം, പത്തനംതിട്ട ജില്ലകളിലെ വിവിധ സ്റ്റേഷനുകളിലായി ഇയാള്ക്കെതിരെ കേസുകളും നിലവിലുണ്ടെന്ന് പോലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
