ചെങ്ങന്നൂര്: നഗരസഭയിലെ വികസന ജനക്ഷേമ പ്രവര്ത്തനങ്ങള് അട്ടിമറിക്കുന്ന ഇടതുപക്ഷ സര്ക്കാരിന്റെ വികലമായ നയങ്ങള്ക്കെതിരെ കോണ്ഗ്രസ്സ് കൗണ്സിലര്മാര് നഗരസഭാ ഓഫീസിനു മുന്നില് കൂട്ടധര്ണ്ണ നടത്തി.
ക്ഷേമ പെന്ഷനുകള് അട്ടിമറിക്കുന്നതിനും പദ്ധതി വിഹിതം വെട്ടിക്കുറച്ചതിനും ട്രഷറി നിയന്ത്രണം കാരണം വികസന പ്രവര്ത്തനങ്ങള് തടസ്സപ്പെടുത്തുന്നതിനുമെതിരെയുമാണ് ധര്ണ്ണ സംഘടിപ്പിച്ചത്. കോണ്ഗ്രസ്സ് ബ്ലോക്ക് പ്രസിഡന്റ് അഡ്വ.ജോര്ജ് തോമസ് ധര്ണ്ണ ഉദ്ഘാടനം ചെയ്തു. നഗരസഭാ ചെയര്മാന് കെ.ഷിബു രാജന് അദ്ധ്യക്ഷത വഹിച്ചു. കൗണ്സിലര്മാരായ ജോണ് മുളങ്കാട്ടില്, സുജ ജോണ്, ശോഭ വര്ഗ്ഗീസ്, സാലി ജെയിംസ്, സൂസമ്മ ഏബ്രഹാം, ഷേര്ലി രാജന്, ബെറ്റ്സി തോമസ്, മണ്ഡലം പ്രസിഡന്റ് വി.എന്.രാധാകൃഷ്ണപ്പണിക്കര്, കെ.കരുണാകരന് എന്നിവര് പ്രസംഗിച്ചു.
