തിരുവനന്തപുരം: നാഷനൽ ഹെറൾഡ് കേസിൽ കോൺഗ്രസ് അധ്യക്ഷ സോണിയ ഗാന്ധിയെ ഇഡി ചോദ്യം ചെയ്യുന്നതിൽ പ്രതിഷേധിച്ച് തിരുവനന്തപുരം രാജ്ഭവനിലേക്ക് കോണ്ഗ്രസ് മാര്ച്ച് നടത്തി. പ്രതിപക്ഷ നേതാവ് വി.ഡി.സതീശനും രമേശ് ചെന്നിത്തലയും ഉള്പ്പെടെയുള്ളവരെ അറസ്റ്റ് ചെയ്തു. നാഷനൽ ഹെറൾഡ് കേസിൽ കോൺഗ്രസ് അധ്യക്ഷ സോണിയ ഗാന്ധിയെ മൂന്നാം ദിവസവും ഇഡി ചോദ്യംചെയ്യുകയാണ്. 11 മണിക്ക് ആരംഭിച്ച ചോദ്യം ചെയ്യൽ തുടരുകയാണ്. പ്രിയങ്ക ഗാന്ധിയെയും അഭിഭാഷകയെയും ഇന്നും ഇ.ഡി ഓഫിസിൽ തുടരാൻ ഉദ്യോഗസ്ഥർ അനുവദിച്ചു. ഇഡി വേട്ടയാടലിനെതിരെ ഇന്നും പാർലമെന്റിലും എഐസി സി ആസ്ഥാനത്തും പ്രതിഷേധമരങ്ങേറി. വിജയ് ചൗക്കിലേക്ക് മാർച്ച് നടത്തിയ എംപിമാരെയും എഐസിസിക്ക് പുറത്തേക്ക് മാർച്ച് നടത്തിയവരെയും പോലീസ് കസ്റ്റഡിയിൽ എടുത്തു.
