ഡല്ഹി: രാജ്യത്ത് കസ്റ്റഡി മരണത്തില് വലിയ വര്ദ്ധനവ് . കഴിഞ്ഞ രണ്ടുവര്ഷത്തില് 4484 പേര് പേര് പോലീസ് കസ്റ്റഡിയില് മരിച്ചു.ഏറ്റവും അധികം കസ്റ്റഡി മരണം യുപിയിലാണ് .രാജ്യത്ത് കഴിഞ്ഞ രണ്ടു വര്ഷത്തിനിടെ ഏറ്റവും കൂടുതല് കസ്റ്റഡി മരണങ്ങള് നടന്നത് ബിജെപി ഭരിക്കുന്ന ഉത്തര്പ്രദേശിലാണ്.952 കസ്റ്റഡി മരണങ്ങളാണ് 2020 മുതല് 2022 വരെയുള്ള കാലയളവില് യുപിയില് രജിസ്റ്റര് ചെയ്തിട്ടുള്ളത്. തൊട്ടുപിന്നില് പശ്ചിമബംഗാളാണ് . 442 കസ്റ്റഡി മരണങ്ങളാണ് ബംഗാളില് റിപ്പോര്ട്ട് ചെയ്തത്.
2020 ഏപ്രില് ഒന്നു മുതല് 2022 മാര്ച്ച് 31 വരെയുള്ള കണക്കുകളാണ് ഇതെന്നും ലോക്സഭയില് രേഖാമൂലം നല്കിയ മറുപടിയില് കേന്ദ്ര ആഭ്യന്തരസഹമന്ത്രി നിത്യാനന്ദ റായി അറിയിച്ചു. രാജ്യത്താകെ 4484 കസ്റ്റഡി മരണങ്ങളാണ് ഇക്കാലയളവില് ഉണ്ടായത്. ബിഹാറില് 396 കസ്റ്റഡി മരണങ്ങളാണ് ഉണ്ടായത്. മധ്യപ്രദേശില് 364 , മഹാരാഷ്ട്രയില് 340, ഗുജറാത്തില് 225, തമിഴ്നാട്ടില് 172 വീതം എന്നിങ്ങനെയാണ് കസ്റ്റഡി മരണം റിപ്പോര്ട്ട് ചെയ്യപ്പെട്ടിട്ടുള്ളത്. കേരളത്തില് കഴിഞ്ഞവര്ഷം 48 കസ്റ്റഡി മരണങ്ങള് ആണ് റിപ്പോര്ട്ട് ചെയ്തത്.എന്നാല് മരണങ്ങളുടെ മൊത്തം കണക്കില് 233 എണ്ണം പോലീസ് ഏറ്റുമുട്ടലില് ഉണ്ടായതാണെന്നും കേന്ദ്ര ആഭ്യന്തരമന്ത്രാലയം വ്യക്തമാക്കി.ദാദ്ര നഗര്ഹവേലി, ഡാമന് ഡിയു, ലഡാക്, ലക്ഷദ്വീപ് എന്നിവിടങ്ങളില് ഒറ്റ കസ്റ്റഡി മരണം പോലും ഉണ്ടായിട്ടില്ല. കസ്റ്റഡി മരണങ്ങളില് പോലീസ് ആണ് പ്രതിക്കൂട്ടിലെന്നും പോലീസും ക്രമസമാധാനപാലനവും സംസ്ഥാന പരിധിയില് വരുന്ന കാര്യമാണെന്നും മറുപടിയില് കേന്ദ്ര ആഭ്യന്തരമന്ത്രാലയം വ്യക്തമാക്കുന്നു.
