അയിരൂർ : ചെറുകോൽപ്പുഴ ഹിന്ദുമത പരിഷത്തിന് ഫെബ്രുവരി 15 ന് തിരിതെളിയും. രാവിലെ11 ന് പത്മന ആശ്രമത്തിൽ നിന്നുള്ള ജ്യോതി പ്രയാണ ഘോഷയാത്രയും എഴുമറ്റൂർ ശ്രീപരമ ഭട്ടാരക ആശ്രമത്തിൽ നിന്നുള്ള ഛായാചിത്ര ഘോഷയാത്രയും പുതിയകാവ് ദേവീക്ഷേത്രത്തിൽ നിന്നുള്ള പതാക ഘോഷയാത്രയും ചെറുകോൽപ്പുഴ വിദ്യാധിരാജ സ്മൃതി മണ്ഡപത്തിൽ എത്തിച്ചേരും. തുടർന്ന് ഘോഷയാത്രയെ വിദ്യാധിരാജ നഗറിലേക്ക് ആനയിക്കും. ഹിന്ദുമത മഹാമണ്ഡലം പ്രസിഡന്റ് പി എസ് നായർ പതാക ഉയർത്തും. ഉദ്ഘാടന സഭയിൽ ശ്രീമദ് പ്രജ്ഞാനാനന്ദ തീർത്ഥപാദർ അനുഗ്രഹ പ്രഭാഷണവും മിസോറാം മുൻ ഗവർണർ കുമ്മനം രാജശേഖരൻ മുഖ്യ പ്രഭാഷണവും നടത്തും. മന്ത്രി റോഷി ആഗസ്റ്റിൻ, പ്രതിപക്ഷ നേതാവ് വി ഡി സതീശൻ, പ്രമോദ് നാരായൺ എംഎൽഎ എന്നിവർ പങ്കെടുക്കും.
രണ്ടാം ദിവസമായ 16 ന് രാവിലെ 10 ന് ആത്മീയ രാമായണ സമിക്ഷ. സനാതന ധർമ്മ പ്രചാരകൻ ഒ എസ് സതീഷ് നേതൃത്വം നൽകും. ഉച്ചകഴിഞ്ഞ് 3.30 ധർമാചാര്യ സഭ,
വൈകിട്ട് 7 30ന് സനാതന്ന ധർമ്മ പാഠശാല ആചാര്യൻ രാജേഷിന്റെ ആധ്യാത്മിക പ്രഭാഷണം. 17 ന് രാവിലെ 10 ന് വാല്മീകി രാമായണ പ്രഭാഷണം. ഉച്ചകഴിഞ്ഞ് 3 30ന് പരിസ്ഥിതി കാർഷിക സമ്മേളനത്തിൽ മാരി മുത്തു യോഗനാഥൻ പ്രഭാഷണം നടത്തും. ദേശീയ അവാർഡ് ജേതാവ് ഭുവനേശ്വരി പ്രസംഗിക്കും. വൈകിട്ട് 7. 30 ന് കുളത്തൂർ അദ്വൈതാശ്രമം മഠാധിപതി സ്വാമി ചിതാനന്ദപുരിയുടെ പ്രഭാഷണം. 18 ന് ഉച്ചകഴിഞ്ഞ് 3.30ന് അയ്യപ്പഭക്ത സമ്മേളനത്തിൽ പത്തനംതിട്ട ഋഷി ജ്ഞാന സാധനാലയം ദേവി ഞ്ജാനാഭനിഷ്ഠാനന്ദഗിരിയുടെ പ്രഭാഷണം. വൈകിട്ട് 7 30ന് ആധ്യാത്മിക പ്രഭാഷണം ഡോക്ടർ ടി എസ് വിനീത് ഭട്ട്. 19 ന് ഉച്ചകഴിഞ്ഞ് 3 30ന് സാംസ്കാരിക സമ്മേളനം. മുൻ കേന്ദ്രമന്ത്രി രാജീവ് ചന്ദ്രശേഖർ ഉദ്ഘാടനം ചെയ്യും. വൈകിട്ട് 7 30ന് ആധ്യാത്മിക പ്രഭാഷണം ഹരി ശരണാർത്ഥി പെരിങ്ങര കേശവൻ നമ്പൂതിരി.
20 ന് വൈകിട്ട് 7.30 ന് ആചാര്യ അനുസ്മരണ സമ്മേളനം. ആദ്ധ്യാത്മിക പ്രഭാഷണം ചെങ്കോട്ടു കൊണം ശ്രീരാമദാസ മിഷനിലെ ശക്തി ശാന്താനന്ദ മഹർഷി. 21ന് രാവിലെ 10 ന് ബാലോത്കർഷം, ഉച്ചകഴിഞ്ഞ് 3 ന് വനിതാ സമ്മേളനം. ഉദ്ഘാടനം കന്യാകുമാരി വിവേകാനന്ദ കേന്ദ്രത്തിലെ ബി രാധാദേവി. വൈകിട്ട് 7.30ന് ആദ്ധ്യാത്മിക പ്രഭാഷണം ഹിന്ദു ഐക്യവേദി സംസ്ഥാന പ്രസിഡന്റ് വത്സൻ തില്ലങ്കരി. സമാപന ദിനമായ 22 ന് രാവിലെ 10 ന് ബാലമഹാ സമ്മേളനം ഉദ്ഘാടനം ബാലതാരം ശ്രീപത് യാൻ. ഉച്ച കഴിഞ്ഞ് 3.30ന് സമാപന സഭ. ഉദ്ഘാടനം വർക്കല ശിവഗിരി മഠം പ്രസിഡന്റ് സച്ചിദാനന്ദ സ്വാമികൾ, പ്രഭാഷണം കിടങ്ങന്നൂർ വിജയാനന്ദ ആശ്രമം മഠാധിപതി സ്വാമിന കൃഷ്ണാനന്ദ പൂർണ്ണിമാമയി മാതാജി, വൈകിട്ട് 6ന് പമ്പ ആരതി, 8ന് മഹാ ആരതി.
