കുവൈറ്റ് സിറ്റി : കുവൈറ്റിലെ ചിറ്റാർ സ്വദേശികളുടെ സാംസ്കാരിക കൂട്ടായ്മയായ “ചിറ്റാറുകാർ ഇൻ കുവൈറ്റ് ” ന്റെ നേത്രുത്വത്തില് “ചിറ്റാറോണം2025″ആഘോഷിച്ചു. ഇതോടൊപ്പം കൂട്ടായ്മയുടെ 10 -മത് വാർഷികവും കുടുംബ സംഗമവും നടത്തി. കുവൈറ്റിലെ കബദിൽ വെച്ച് നടന്ന ചടങ്ങിൽ മുതിർന്ന അംഗം സജിരാജ് ഭദ്രദീപം തെളിയിച്ച് ഉദ്ഘാടനം നിര്വഹിച്ചു. പ്രസിഡന്റ് റോബി മണിയാകുന്നിൽ ആദ്യക്ഷത വഹിച്ചു. ജനറൽ സെക്രട്ടറി സുരാജ് ടി.എസ്, വനിതാവേദി കോർഡിനേറ്റർ ലൗലി തോമസ്, ട്രഷറർ ഷൈജു എസ് ബാലൻ, ദിനു കമൽ, ഷിജു മാത്യു, രാജചന്ദ്രൻ നായർ എന്നിവർ പ്രസംഗിച്ചു.
ചിറ്റാറിന്റെ ഗ്രാമീണ നന്മയും ഒരുമയും സമന്വയിപ്പിച്ച പരിപാടികൾക്ക് സന്ധ്യ സജീവ്, ഷാജി ജോയ്, സുനിൽ കുമാർ, അജു കെ മാത്യു, എന്നിവർ നേതൃത്വം നൽകി.
കുട്ടികളുടെയും മുതിർന്നവരുടെയും വൈവിധ്യമാർന്ന നാടൻ കലാ കായിക പരിപാടികൾ, പാരഡൈസ് റെസ്റ്റോറന്റിന്റെ വിഭവ സമൃദ്ധമായ ഓണസദ്യ, ഹൽവാസ് കുവൈറ്റിന്റെ ഗാനമേള എന്നിവയും ചടങ്ങുകള്ക്ക് മാറ്റുകൂട്ടി. നോർക്ക പ്രവാസി ക്ഷേമനിധി, ഹെൽത്ത് ഇൻഷുറൻസ് എന്നിവക്കായി പ്രത്യേക ഹെല്പ് ഡസ്ക് പ്രവർത്തിച്ചു. പ്രോഗ്രാം ജനറൽ കൺവീനർ പ്രിൻസ് കോശി സമ്മേളനത്തിന് നന്ദി അറിയിച്ചു.
