ന്യൂഡെല്ഹി : 2010ല കുപ്രസിദ്ധമായ സിറ്റി ബാങ്ക് തട്ടിപ്പു കേസിലെ പ്രതിയായ ശിവരാജ് പുരി ജയില്വാസത്തിനിടെ മരിച്ചു. കഴിഞ്ഞദിവസം ഡെല്ഹിയിലെ ആശുപത്രിയില് ക്ഷയരോഗം ബാധിച്ചാണ് ചികിത്സയ്ക്കിടെ മരണമടഞ്ഞത്. നിക്ഷേപകരെ വഞ്ചിച്ച് 400 കോടി രൂപ തട്ടിയെടുത്തുവെന്നതാണ് കേസ്. ഡെല്ഹി അതിര്ത്തിയിലുള്ള ഗുരുഗ്രാമിലെ ഭോണ്ട്സി ജയിലില് പാര്പ്പിച്ചിരിക്കുകയായിരുന്നു. ഇതിനിടെ ക്ഷയരോഗം പിടിപ്പെട്ട പുരിക്ക് അസുഖം മൂര്ഛിച്ചതിനെ തുടര്ന്ന് ആശുപത്രിയില് പ്രവേശിപ്പിക്കുകയായിരുന്നു.
ഗുരുഗ്രാമിലെ സിറ്റി ബാങ്ക് ബ്രാഞ്ചില് റിലേഷന്ഷിപ്പ് മാനേജരായിരിക്കുമ്പോഴായിരുന്നു. 400 കോടി രൂപയുടെ തട്ടിപ്പിനു കളമൊരുങ്ങിയത്. ഭൂമിതട്ടിപ്പുമായി ബന്ധപ്പെട്ട കേസിലായിരുന്നു ഇത്തവണ പുരിക്ക് ജയില് വാസം ലഭിച്ചത്. ഈ ജയിലില് ക്ഷയരോഗം മൂലം 18 ദിവസത്തിനുള്ളില് മരിക്കുന്ന മൂന്നാമത്തെ ആളാണ് പുരിയെന്ന് ഉദ്യോഗസ്ഥര് പറഞ്ഞു.
