പാലക്കാട്: പാലക്കാട് ടൗണ് സൗത്ത് ജനമൈത്രി പോലീസും പാലക്കാട് സര്വ്വീസ് സഹകരണ ബാങ്കും സംയുക്തമായി ജില്ലാതല ലഹരി വിരുദ്ധ ബോധവത്ക്കരണ ക്ലാസ്സ് നൂറണി ശാരദ കല്യാണ മണ്ഡപത്തില് വെച്ച് സംഘടിപ്പിച്ചു. സമൂഹത്തില് പ്രത്യേകിച്ച് വിദ്യാര്ത്ഥികളില് വര്ദ്ധിച്ചു വരുന്ന ലഹരി ഉപയോഗത്തിന് കടിഞ്ഞാണ് ഇടുന്നത് ലക്ഷ്യമാക്കി കേരളാ പോലീസ് നടപ്പിലാക്കി വരുന്ന പദ്ധതിയാണ് “യോദ്ധാവ് .
ലഹരി പദാര്ത്ഥങ്ങളുടെ വില്പന, ഉപയോഗം എന്നിവ ശ്രദ്ധയില് പെട്ടാല് യോദ്ധാവിന്റെ നമ്പറായ 9995966666 എന്നതിലേക്ക് വാട്സ് ആപ്പ് ചെയ്യാവുന്നതാണ്. ജില്ലയിലെ മുഴുവന് സ്കൂളുകളിലും കോളേജുകളിലും ആന്റി നര്ക്കോട്ടിക് ക്ലബ്ബ് രൂപവത്ക്കരിച്ചു കൊണ്ടാണ് ഈ പദ്ധതിയുടെ പ്രവര്ത്തനം. സ്കൂള്, കോളേജ് പ്രധാന അദ്ധ്യാപകന്/പ്രിന്സിപ്പാള് ചെയര്മാനും പിടിഎ പ്രസിഡന്റ് വൈസ് ചെയര്മാനും സമര്ത്ഥനായ ഒരു അദ്ധ്യാപകന് കോര്ഡിനേറ്റര് അഥവാ യോദ്ധാവായും ബന്ധപ്പെട്ട പോലീസ് സ്റ്റേഷനിലെ എസ്എച്ച് ഒ കണ്വീനറും പിടിഎ മെമ്പര്മാരും മാതൃക ആക്കാവുന്ന നാല് വിദ്യാര്ത്ഥികളും ഉപ്പെടുന്നതാണ് ആന്റി നാര്കോട്ടിക് ക്ലബ്ബ് .
