കൊച്ചി: എഐ ക്യാമറ വിവാദങ്ങള് മുറുകുമ്പോഴും മൗനം പാലിക്കുന്ന മുഖ്യമന്ത്രി പിണറായി വിജയനെതിരെ പ്രതിപക്ഷ നേതാവ് വി ഡി സതീശന്. അഴിമതിയാരോപണങ്ങള് ശക്തമായിട്ടും മുഖ്യമന്ത്രി കാണാമറയത്തിരുന്ന് സംസാരിക്കുന്നുകയാണെന്ന് സതീശന് കുറ്റപ്പെടുത്തി. ക്യാമറ വിവാദങ്ങളില് മുഖ്യമന്ത്രിയാണ് ആരോപണവിധേയന്. അഴിമതിയാരോപണത്തില് മുഖ്യമന്ത്രിയാണ് മറുപടി പറയേണ്ടത്. മുഖ്യമന്ത്രി ആകാശവാണിയാണ്. അഴിമതിയാരോപണങ്ങളിലും ചോദ്യങ്ങളിലുമൊന്നും മറുപടിയിയില്ല. തുടര് ഭരണം കിട്ടിയെന്ന് കരുതി അഴിമതിയാരോപണം ഇല്ലാതാകുന്നില്ലെന്നും സതീശന് പറഞ്ഞു.
അതേസമയം എഐ ക്യാമറ വിവാദത്തില് മുഖ്യമന്ത്രി പിണറായി വിജയന് തുറന്ന കത്തയച്ച് രമേശ് ചെന്നിത്തല. കേരളം കണ്ടതില് വച്ച് ഏറ്റവും വലിയ അഴിമതിയാണിത്. കഴിഞ്ഞ ദിവസം മുഖ്യമന്ത്രി നടത്തിയ പ്രതികരണം ആശ്ചര്യപ്പെടുത്തുന്നതാണെന്നും താങ്കള് ഇതിനു മുന്പ് ഇത്രയും ദുര്ബലമായി പ്രതികരിച്ചിട്ടില്ലല്ലോ എന്നും ചെന്നിത്തല കത്തില് ആരോപിക്കുന്നു. പൊടിക്കൈകള് കൊണ്ട് ഈ വന് അഴിമതിയെ മൂടി വയ്ക്കാമെന്ന് താങ്കള് കരുതുന്നുണ്ടെങ്കില് താങ്കള്ക്ക് തെറ്റിപ്പോയിയെന്നും ജനം എല്ലാം കാണുന്നുണ്ട് എന്ന് താങ്കള് ഓര്ക്കണമെന്ന് മാത്രം ഇപ്പോള് പറയുന്നതായും അദ്ദേഹം കത്തില് പറയുന്നു.
