തിരുവനന്തപുരം: പ്രതിപക്ഷ നേതാവ് രമേശ് ചെന്നിത്തല നാട്ടില് നല്ലത് നടക്കാന് പാടില്ലെന്നുള്ള മാനസികാവസ്ഥയിലാണെന്ന് മുഖ്യമന്ത്രി പിണറായി വിജയന്. അതുകൊണ്ടാണ് അദ്ദേഹം ലൈഫ് മിഷന് പ്രവര്ത്തനങ്ങളില്നിന്ന് പുറത്തുപോയതെന്നും മുഖ്യമന്ത്രി പറഞ്ഞു. ലൈഫ് മിഷനെ ആകെ താറടിക്കണം. അതിനുള്ള ശ്രമമാണ് നടക്കുന്നത്.
രണ്ട് ലക്ഷത്തിലധികം കുടുംബങ്ങള് സ്വന്തം വീട്ടില് കിടന്നുറങ്ങുന്നത് അഭിമാനമുള്ള കാര്യമാണ്. എന്നാല് നാടിന് നല്ലത് നടക്കരുതെന്നാണ് പ്രതിപക്ഷ നേതാവ് ആഗ്രഹിക്കുന്നത്. അതിന്റെ ഭാഗമായാണ് അദ്ദേഹം പുറത്തുപോകുന്നതെന്നും മുഖ്യമന്ത്രി ആരോപിച്ചു.
ലൈഫ് മിഷന് പദ്ധതിയുടെ ധാരണാപത്രത്തിന്റെ പകര്പ്പ് ആയിരുന്നില്ല അദ്ദേഹം ചോദിച്ചത്. ലൈഫ് മിഷനുമായി ബന്ധപ്പെട്ട എല്ലാ രേഖകളും പരസ്യപ്പെടുത്തണം എന്നായിരുന്നു ആവശ്യം. എംഒയുവിന്റെ പകര്പ്പ് വിവരാവകാശ പ്രകാരം ചോദിച്ചവര്ക്കെല്ലാം ലഭിച്ചിട്ടുണ്ടെന്നും മുഖ്യമന്ത്രി ചൂണ്ടിക്കാട്ടി.
ലൈഫ് മിഷനിലെ പ്രത്യേക ക്ഷണിതാവ് പദവിയാണ് പ്രതിപക്ഷ നേതാവ് രമേശ് ചെന്നിത്തല രാജിവെച്ചത്. പല തവണ ആവശ്യപ്പെട്ടിട്ടും ലൈഫ് മിഷന് പദ്ധതിയുടെ ധാരണാപത്രത്തിന്റെ പകര്പ്പ് നല്കാന് പോലും സര്ക്കാര് തയാറായില്ല. സര്ക്കാര് നിലപാടില് പ്രതിഷേധിച്ചാണ് താന് രാജിവെയ്ക്കുന്നതെന്നും ചെന്നിത്തല പറഞ്ഞു.
ലൈഫ് മിഷനുമായി ബന്ധപ്പെട്ട് നിരവധി കേസുകളാണ് ഇപ്പോള് ഉണ്ടായിക്കൊണ്ടിരിക്കുന്നത്. ക്രമക്കേടുകളില് വിജിലന്സിന്റെ പ്രാഥമിക അന്വേഷണം സ്വീ കാര്യമല്ല. അന്താരാഷ്ട്ര വിഷയങ്ങള് ഉള്പ്പെട്ട സംഭവത്തില് വിജിലന്സിന് പരിമിതിയുണ്ട്. കേസ് സിബിഐക്ക് കൈമാറുകയാണ് സര്ക്കാര് ചെയ്യേണ്ടതെന്നും ചെന്നിത്തല ആവശ്യപ്പെട്ടു.