റാന്നി : റാന്നി കാർഷിക വികസന ബാങ്ക് തെരഞ്ഞെടുപ്പുമായി ബന്ധപ്പെട്ടുള്ള തെരഞ്ഞെടുപ്പ് കൺവെൻഷനും സ്ഥാനാർഥി പ്രഖ്യാപനവും ഇടതുപക്ഷ ജനാധിപത്യ മുന്നണി നേതൃത്വം നൽകുന്ന സഹകരണ മുന്നണി നടത്തി. റാന്നി സര്ക്കിള് സഹകരണ യൂണിയന് ചെയര്മാന് പി.ആര് പ്രസാദ് ഉദ്ഘാടനം ചെയ്തു. ആലിച്ചൻ ആറൊന്നിൽ അധ്യക്ഷത വഹിച്ചു. ജോർജ്ജ് എബ്രഹാം, ടി.ജെ ബാബുരാജ്, ടി എൻ ശിവൻകുട്ടി, കെ കെ സുരേന്ദ്രൻ, റിന്റോ തോപ്പിൽ, റാന്നി ഗ്രാമപഞ്ചായത്ത് പ്രസിഡന്റ് ശോഭ ചാർളി, ബെന്നി പുത്തൻപറമ്പിൽ എന്നിവർ പ്രസംഗിച്ചു.
സ്ഥാനാർഥികൾ : അഖിൽ ജോസഫ്,അജിത് ഏർനെസ്റ്റ്,എ ജി ഗോപകുമാർ,ബെന്നി പുത്തൻപറമ്പിൽ, മനു ബി നാഥ്, രഞ്ജിത്ത് വി നായർ, സാം മാത്യു(ജനറല് മണ്ഡലം), സി. തങ്കമണി, ശോഭ ചാർലി, എന്.എസ് ശോഭന (വനിതാ സംവരണം), കെ.ജി വിജയന്, (പട്ടികജാതി/ പട്ടികവർഗ്ഗ സംവരണം), കെ.എ ആന്റണി(നിക്ഷേപക മണ്ഡലം), ദീർഘ കാലങ്ങളിലായി യുഡിഎഫ് നേതൃത്വത്തിലുള്ള ഭരണസമിതി നടത്തി വരുന്ന ജനവിരുദ്ധ കാർഷിക നയങ്ങൾക്കെതിരെയും ബാങ്കിൽ നടത്തുന്ന അഴിമതിയും തുടച്ചു നീക്കുവാൻ വേണ്ടി ഇടതുപക്ഷം നേതൃത്വം നൽകുന്ന സഹകരണ മുന്നണിക്ക് കഴിയമെന്ന് നേതൃത്വം പറഞ്ഞു.
