കോഴിക്കോട്: അട്ടപ്പാടിയിലെ വിദൂര ഗ്രാമമായ മുരുഗള ഊര് വ്യാഴാഴ്ച കലക്ടറും പട്ടിക വര്ഗ വകുപ്പ് ഡെപ്യൂട്ടി ഡയറക്ടറും സന്ദര്ശിക്കും. റിസര്വ് വനമേഖലയിലുള്ള ഇവിടേക്ക് റോഡില് നിന്ന് ഒന്നര കിലോമീറ്ററിലേറെ നടന്നു വേണം എത്താന്. കഴിഞ്ഞ ദിവസം മരിച്ച ഊരിലെ ഒരു പിഞ്ചുകുഞ്ഞിന്റെ മൃതദേഹമായി പിതാവ് നടന്നു പോയത് വാര്ത്തയായിരുന്നു. തുടര്ന്ന് മന്ത്രി കെ രാധാകൃഷ്ണന്റെ നിര്ദേശാനുസരണമാണ് കലക്ടര് മുണ്മൃയി ജോഷിയും ഡെപ്യൂട്ടി ഡയറക്ടര് കെ കൃഷ്ണ പ്രകാശും ഊര് സന്ദര്ശിക്കുന്നത്. മുക്കാലിയില് നിന്നും എട്ട് കിലോമീറ്റര് ദ്ദൂരെ തടിക്കുണ്ട് വരെ റോഡുണ്ട്. തുടര്ന്ന് ഭവാനിപ്പുഴയ്ക്ക് കുറുകെ പട്ടിക വര്ഗ വകുപ്പ് നിര്മ്മിച്ച തൂക്കുപാലം കടന്നു വേണം മുരുഗളയിലെത്താന്. ഇവിടേക്ക് യാത്രാസൗകര്യം ഏര്പ്പെടുത്തുന്നത് സംബന്ധിച്ച റിപ്പോര്ട്ടും മന്ത്രി തേടിയിട്ടുണ്ട്.
