മധുര : ഓൺലൈൻ ക്ലാസിനിടെ അശ്ലീല വീഡിയോ പങ്കുവെച്ചെന്ന ആരോപണം നേരിടുന്ന കോളജ് അധ്യാപിക ജോലി രാജിവെച്ചു. മധുരയിലെ എസ്.വേലൈച്ചാമി നാടാർ കോളേജിലെ അധ്യാപികയാണ് കഴിഞ്ഞ ദിവസം രാജിവച്ചത്. ഒക്ടോബർ ഒമ്പതിന് കൊമേഴ്സ് വിഭാഗം മേധാവി ബികോം രണ്ടാം വർഷ വിദ്യാർത്ഥികൾക്ക് ഓൺലൈൻ ക്ലാസെടുക്കുന്നതിനിടെയാണ് സംഭവം.
അന്നുതന്നെ വിദ്യാർഥികൾ കോളേജ് അധികൃതർക്ക് പരാതി നൽകിയിരുന്നതായി ബന്ധപ്പെട്ടവർ പറഞ്ഞു. അധ്യാപികയ്ക്കെതിരെ മാനേജ്മെന്റ് ഒരു നടപടിയും സ്വീകരിച്ചില്ലെന്ന് തുടക്കത്തിൽ ആരോപണമുണ്ടായിരുന്നു. ബുധനാഴ്ചയാണ് സ്ഥാനമൊഴിഞ്ഞത്,” അവർ പറഞ്ഞു. നാലാം പിരീഡിനിടെ, ഉച്ചയ്ക്ക് 1.20 ഓടെ പോൺ വീഡിയോ സ്ക്രീനിൽ ഷെയർ ചെയ്യുകയായിരുന്നു. അതേസമയം, സംഭവം തന്റെ അറിവോടെയല്ലെന്ന നിലപാടിലാണ് അധ്യാപിക. ക്ലാസ് എടുക്കുന്നതിനിടെ അശ്ലീല വീഡിയോ സ്ക്രീനിൽ പ്ലേയാകുകയായിരുന്നെന്ന നിലപാടിലാണ് അധ്യാപിക.
വിഷയത്തെക്കുറിച്ച് തനിക്ക് അറിയില്ലെന്നും അതിനെക്കുറിച്ച് അന്വേഷിക്കുമെന്നും കോളേജ് പ്രിൻസിപ്പൽ രാജേശ്വര പളനിച്ചാമി വ്യക്തമാക്കി. വിദ്യാർത്ഥികളുടെ പരാതിയിൽ അന്വേഷണം നടത്തുമെന്ന് പോലീസ് സൂപ്രണ്ട് വി.ഭാസ്കരൻ മാധ്യമങ്ങളോട് പറഞ്ഞു.
