കൊളംബോ: ശ്രീലങ്കയില് സ്പീക്കര് മഹിന്ദ അബേയ്വര്ധനേ താത്കാലിക പ്രസിഡന്റാകും. ഒരു മാസത്തിന് ശേഷം പുതിയ പ്രസിഡന്റിനെ തെരഞ്ഞെടുക്കും. പാര്ലമെന്റ് സമ്മേളനം വെള്ളിയാഴ്ച്ച ചേര്ന്നേക്കുമെന്നാണ് വിവരം. സര്വകക്ഷി സര്ക്കാരില് എല്ലാ പാര്ട്ടികള്ക്കും പങ്കാളിത്തമുണ്ടാകും. നിലവിലെ പ്രസിഡന്റ് ഗോത്തബയ രജപക്സെ രാജിസന്നദ്ധത ഇന്നലെ അറിയിച്ചിരുന്നു.
പ്രക്ഷോഭം തുടരുകയും രാജിവെച്ച പ്രധാനമന്ത്രി റനിൽ വിക്രമസിംഗെയുടെ വീടിന് തീയിടുകയും ചെയ്തതിന് പിന്നാലെയാണ് രാജിസന്നദ്ധത അറിയിച്ചത്. കലാപം തുടരുന്ന ലങ്കയില് പ്രക്ഷോഭകരോട് പിരിഞ്ഞു പോകാന് സംയുക്ത സൈനിക മേധാവി അഭ്യര്ത്ഥിച്ചു. രാജ്യത്ത് സമാധാനം നിലനിര്ത്താന് സഹകരിക്കണമെന്ന് ജനറല് ഷാവേന്ദ്ര സില്വ പറഞ്ഞു.